Üzük ta qədimdən sadiqlik, sədaqət və mətanət rəmzi sayılıb. Ilk nişan üzükləri Misirdə peyda olub. Üzüklər möcüzəli qüvvəsi ilə seçilirdi. Qədim yunanlar və romalılar üzüyün köməyi ilə yanıq, miqren, itdirsəyi və müxtəlif xəstəlikləri sağaldırdılar. Belə ki, üzüyü barmağa keçirərək ağrıyan yerə vururdular və ya üzüklə məlhəm sürtürdülər. Həqiqətən də, qızıl üzük və xətkeşin köməyi ilə təzyiqi ölçmək mümkündür.
Nişan üzüyünü bəy və gəlin mütləq birlikdə seçməlidir. Əgər qərar
verə bilmirlərsə, satıcıdan məsləhət almaq olar.
Nişan üzüklərini qızıldan, amma qatışıqlarla hazırlayırlar.
Qatışıqlar müxtəlif cür olduğundan üzüklərin rəngi də fərqlənir: Sarı, ağ
(qızıl, gümüş, palladium, nikel, sink), çəhrayıtəhər, qırmızımtıl (qızıl,
gümüş, mis) və yaşıltəhər (qızıl və gümüş). Üzüklərin qiymətləri də
qatışıqların əyarına görə fərqlənir. Ən yüksək əyar 958-dir. Bundan başqa, 375, 500, 583 və 750
əyarlı üzüklər də olur.
Üzük seçimində əsas diqqəti ölçüyə yönəltmək lazımdır. Belə ki, üzük
nə sıx, nə də boş olmalıdır. Təbii ki, sıx olsa qan dövranına ziyandır. Boş
olsa, itə bilər.
Üzüyün formasına gəldikdə isə, 3-12 mm qalınlıqlı klassik
stildə üzüklərə üstünlük verə bilərsiniz. Eyni zamanda, üstü kələ-kötür olan
üzüklər də mövcuddur. ən asası isə çalışmaq lazımdır ki, gəlin və bəyin
üzükləri qoşa olsun.
Bundan başqa, brilyantla bəzədilmiş üzükləri də seçə bilərsiniz. Bu
üzüklər də müxtəlifdir: dairəvi, oval, armudu və s.
Qaşlı üzük alarkən fikir
verin!
Qaşın üstündə heç bir ləkələr və sıyrıntılar olmamalıdır.
Bahalı və adi daşlar var:
Bahalı:
Zümrüd, aleksandrit, yaqut, sapfir və təbii mirvari.
Yarım-bahalı:
Süleyman daşı, firuzə, dağ bülluru, beril, giasint, topaz, turmalin.
Üzüyün içərisinə adlar və toy gününü həkk etmək də olar ki, bu da
sadiqlik və sevgini bildirəcək.
RSS
